நமது மத்திய சங்கம் கீழ்க்கண்ட மடல்களை

பல்வேறு பிரச்சினைகளின் தீர்விற்காக

BSNL நிர்வாகத்தின் கவனத்திற்கு அனுப்பியுள்ளது.

JTO இலாக்காத்தேர்வு

3 ஆண்டுகள் இடைவெளிக்குப்பின் நடைபெறவிருந்த JTO  இலாக்காத்தேர்வு நீதிமன்ற வழக்கைக் காரணம் காட்டி நிறுத்தி வைக்கப்பட்டுள்ளது. இது இளம் TTA தோழர்கள் மத்தியில் மிகுந்த அதிருப்தியை உருவாக்கியுள்ளது. மேலும் JTO பதவிகள் நிரப்பப்படாத நிலையில் BSNL சேவை வெகுவாக பாதிக்கப்படும் நிலையும் உருவாகும். எனவே நிர்வாகம் இப்பிரச்சினையை சட்ட ரீதியாக சந்திப்பதற்கான ஏற்பாடுகளை உடனடியாக மேற்கொண்டு தேர்வு நடப்பதற்கான வழிமுறைகளை உருவாக்க வேண்டும் என மத்திய சங்கம் நிர்வாகத்தை வலியுறுத்தியுள்ளது..

JAO இலாக்காத்தேர்வு

ஏறத்தாழ 3 ஆண்டுகளாக JAO இலாக்காத்தேர்வு நடைபெறாததால் தற்போது நடத்தப்படவிருக்கும் JAO இலாக்காத்தேர்விற்கு 55 வயதுடைய தோழர்களையும் தேர்வெழுத  சிறப்பு அனுமதி வழங்குமாறு BSNL நிர்வாகத்தை மத்திய சங்கம் வலியுறுத்தியுள்ளது.

GPF வைப்பு நிதி ஒதுக்கீடு

GPF பட்டுவாடா வழங்குவதற்கான  நிதி ஒதுக்கீட்டை

மாநிலங்களுக்கு உடனடியாக மேற்கொள்ளுமாறு

BSNL நிர்வாகத்தை மீண்டும் நமது சங்கம் வலியுறுத்தியுள்ளது.

உண்ணாவிரதப்  போராட்டம்  ஒத்திவைப்பு                                                                   

தோழர்களே !..

        இன்று ( 16-02-2016) நடைபெறவிருந்த ஒப்பந்தொழிலாளர்களின் உண்ணாவிரத போராட்டம்  ஒத்திவைக்கப்படுகிறது என்பதனை தோழர்கள் அனைவருக்கும் தெரிவித்துக் கொள்கின்றோம்.

                                                                                            தோழமையுடன் 

                                                                               மாவட்டச் சங்கங்கள் , கடலூர்.

                                                   வெள்ள  முன்பணம் 

11-02-2016 அன்று  வெள்ள  முன்பணம் பட்டுவாடா செய்யப்படுகிறது. நமது மாவட்டத்தில் வெள்ள முன்பணம் பெற விண்ணப்பித்த அனைத்து அதிகாரிகளுக்கும்  மற்றும் ஊழியர்களுக்கும்  கிடைக்கும். நமது மாவட்ட நிர்வாகத்தின் ஒப்புதல் பெற கொஞ்சம் காலதாமதம் ஏற்பட்டது. அதனை நமது மாநில  சங்கத்தின் கவனத்திற்கு கொண்டு சென்றோம். நமது மாநில சங்கமும் உனடியாக  PGM (F) அவர்களின் கவனத்திற்கு கொண்டு செல்லப்பட்டது. உடனடியாக வெள்ள  முன்பணம்  வழங்க உரிய நடவடிக்கை  எடுத்த நமது PGM (F )  அவர்களுக்கும் , ஊழியர்களின் நலனில் அக்கறை கொண்டு செயல்பட்ட நமது மாநில சங்கத்திற்கும்  நமது மாவட்டத்தின் சங்கத்தின் சார்பாக  நன்றியினை தெரிவித்துக் கொள்கின்றோம்.. 

வருந்துகிறோம்!!

விருத்தாசலம் மூத்தத் தோழர் D.மோகன்ராஜ் TM அவர்களின் தாயார் இன்று      (08-02-2016) மாலை 3-00மணியளவில் இயற்கை எய்தினார் என்பதை ஆழ்ந்த வருத்தத்துடன் தெரிவித்துக்கொள்கிறோம். அம்மையாரது பிரிவில் வாடும் தோழருக்கும், அவர்தம் குடும்பத்தாருக்கும் கடலூர் மாவட்ட சங்கத்தின் ஆழ்ந்த இரங்கலைத் தெரிவித்துக்கொள்கிறோம். அம்மையாரது இறுதி நிகழ்ச்சி நாளை காலை 10-மணிக்கு விருத்தாசலம் காந்திநகரில் உள்ள அவரது இல்லத்தில் நடைபெறும். 

நமது குரூப் C  and D ஊழியர்களுக்கு... ஒவ்வொரு வருடமும்...

சோப்பு, துண்டு, டம்ளர், பேனா, டைரி மற்றும் வாட்டர் பாட்டில்

ஆகியவற்றை வழங்குவதற்கு பதிலாக 

குரூப் C ஊழியர்களுக்கு ரூபாய். 500/-ம்

குரூப் D ஊழியர்களுக்கு ரூபாய். 300/-ம்

வழக்கமாக ஜனவரி மாத சம்பளத்தில்

சேர்த்து வழங்கப்படும். ஆனால் 2016 ஜனவரி சம்பளத்தில்

இந்த தொகை வழங்கப்படவில்லை.

உடனடியாக... நமது மாநில சங்கம் இந்த பிரச்சனையை

நிர்வாகத்தின் கவனத்திற்கு கொண்டு சென்றது. பிரச்சனையின்

தன்மையை உணர்ந்து 02-02-2016 அன்று நிர்வாகம்

இதற்கான உத்தரவை வெளியிட்டது.

2016 பிப்ரவரி மாத சம்பளத்தில்... குரூப் C ஊழியர்களுக்கு

ரூபாய். 500/-ம் குரூப் D ஊழியர்களுக்கு

ரூபாய். 300/-ம் வழங்கப்படும்.

நமது மத்திய சங்கம் 33-வது தேசிய குழு கூட்டத்தில்

எடுக்கப்பட்டதன் விளைவாக...

MDF-க்கு இலவச அழைப்பு...

நமது குரூப் C மற்றும் D ஊழியர்களுக்கு வழங்கப்பட்டுள்ள SERVICE

 CUG கைபேசியிலிருந்து, தொலைபேசி நிலைய

MDF / TEST ROOM-ல் உள்ள LANDLINE இணைப்பை

தொடர்பு கொண்டால் அந்த அழைப்பிற்கு கட்டணம்

வசூலிக்கப்பட்டு வந்தது.

இப்பிரச்சனையால்... நமது Telecom Mechanic ஊழியர்கள் 

பெரிதும் பாதிக்கப்பட்டு வந்தனர். 

ஊழியர்களின்... இப்பிரச்சனைக்கு... தீர்வு கண்டிட...

நமது மத்திய சங்கம் 33-வது தேசிய குழு கூட்டத்தில்

எடுக்கப்பட்ட நமது கோரிக்கை ஏற்கப்பட்டு 

03-02-2016 அன்று நிர்வாகத்தால்

இதற்கான உத்திரவு வெளியிடப்பட்டுள்ளது.

இனி... நமது TM ஊழியர்கள் MDF / TEST ROOM-ல் உள்ள

தரைவழி தொலைபேசி இணைப்புகளை இலவசமாக

தொடர்பு கொள்ளலாம்.

ஏழாவது உறுப்பினர் சரிபார்ப்பை நோக்கி

தமிழ் மாநில செயற்குழு.....

 
மாநிலத்தலைவர் தோழர் லட்சத்தின் சீர்மிகு தலைமையில், தோழர் குடந்தை ஜெயபாலின் உணர்ச்சிமிகு துவக்கவுரையுடன் துவங்கிய மாநில செயற்குழு ஏழாவது உறுப்பினர் சரிபார்ப்பினை தமிழ் மாநிலத்தில் வெற்றிகரமாக சந்திப்பதை பற்றியே திட்டமிட்டது.

தோழர் பட்டாபியின் ஆய்படுபொருள் அறிமுக உரை, மாவட்டவாரியாக ஊழியர்கள் எண்ணிக்கை, சங்கங்களின் உறுப்பினர் எண்ணிக்கை, கடந்த மூன்று ஆண்டுகளில் நம் சங்கம் சாதித்தவை, அதற்கு முன்னர் இழந்தவை, இவையனைத்தையும் ஊழியர் மத்தியில் கொண்டு செல்லல், சரிபார்ப்பில் ஒவ்வொரு மாவட்டச்சங்கமும் ஆற்ற வேண்டிய பங்கு என தெளிவான திசை நோக்கி செயற்குழுவை அழைத்து சென்றது.

தோழர்கள் சேது, S.S.கோபாலகிருஷ்ணன், காமராஜ், தமிழ்மணி, அசோகராஜன் ஆகியோரும் வழிகாட்டினர். தமிழகத்தின் அனைத்து மாவட்டச்செயலர்களும் தங்கள் மாவட்டங்கள் உறுப்பினர் சரிபார்ப்பை சந்தித்த, சந்திக்க உள்ள வழிமுறைகளை பகிர்ந்து கொண்டது மட்டுமின்றி, அடுத்து வரும் சரிபார்ப்பிலும் தமிழகத்தில் நமது சங்கத்தை முதன்மை சங்கமாக கொண்டுவர உறுதி பூண்டனர். மாநில சங்க நிர்வாகிகள் அனைவரும் கலந்து கொண்டு உரையாற்றினர்.

தோழர் ஆர்.கே-வின் எழுச்சிமிகு நிறைவுரை முதன்மை சங்கமாக நம் சங்கம் மிளிர ஆற்றவேண்டிய கடமைகள் நோக்கி நம்மை கொண்டு சென்றது.

பணி ஓய்வு பெற்ற தூத்துக்குடி தோழர் பாலு பாராட்டப்பட்டார். வரவேற்புக்குழு பொதுச்செயலர் தோழர் நெடுமாறன் மாநாட்டிற்கான தயாரிப்புகள் மற்றும் தேவைகள் குறித்து விளக்கினார். வரவேற்புக்குழு அமைக்கப்பட்ட அன்று ஒரு மாத ஓய்வூதியத்தை வரவேற்புக்குழுவிற்கு நன்கொடையாக அறிவித்து ரூபாய் 1000-ம் அளித்த தோழர் லட்சம், தனது ஒரு மாத ஓய்வூதியத்தின் மீதத்தொகையான ரூபாய் 24000-த்தை தோழர் நெடுமாறனிடம் அளித்தார். மாவட்ட சங்கங்களும் நிதியளித்தன. தோழர் முரளி நன்றி கூற, மாநில செயற்குழு நிறைவுற்று, உறுப்பினர் சரிபார்ப்பிற்கான பணிகள் துவங்கின.

நமது மாவட்டத்திலிருந்து மாவட்ட செயலர் தோழர். இரா.ஸ்ரீதர், மாநிலத்துணைத் தலைவர் தோழர்.லோகநாதன் உள்ளிட்ட சுமார் பதினைந்துக்கும் மேற்பட்ட தோழர்கள் கலந்து கொண்டனர்.

மாநில மாநாட்டிற்கான நமது  பங்கை நாம் இன்னும் அளிக்கவில்லை. ஆகவே மாவட்ட,கிளைச்சங்க நிர்வாகிகள் உடனடியாக தோழர்களிடம் நேரில் சென்று வசூலித்து மாவட்டசங்கத்திடம் செலுத்தி உங்களது வர்க்க கடமையை செலுத்துமாறு கேட்டுகொள்ளப்படுகின்றனர்.

7 வது உறுப்பினர் சரிபார்ப்பு தேர்தல்  சிறப்புக்கூட்டம்

சிதம்பரம்.05.02.2016.

காலை 09.00 மணிக்கு வண்டிகேட் தொலைபேசி நிலையத்தில் தோழர் K.நாவு தலைமையில் நடைபெற்றது. தோழர் R.செல்வம் மாவட்ட தலைவர் துவக்கவுரையாற்றினார். தோழர் இரா.ஸ்ரீதர் மாவட்ட செயலர் தேர்தல் விதிமுறைகள் மற்றும் நாம் எப்படி செயலாற்ற வேண்டும் என்பதை பற்றியும் கடந்த நாள் வரை நாம் அடைந்த பல நஷ்டம் பற்றியும் புதுவையில் நடைபெற்ற புன்னகையுடன் சேவை செய்வோம் கூட்டத்தின் சிறப்பு பற்றியும், 2017 ல் வரவிருக்கின்ற ஊதிய உயர்வு நமக்கு கிடைக்க நாம் கடுமையாக உழைக்க வேண்டும்.

தோழர்.பட்டாபி உரையில் “நமது முன்னோர்கள் கடந்து வந்த பாதையை சற்றே நாம் திரும்பி பார்க்க வேண்டும். Triple assets பற்றி அதை பாதுகாக்க வேண்டிய கடமை நமக்கு இருக்கிறது. குறிப்பாக Tower அதை தனி நிறுவனமாக மாற்றி அமைக்க நிர்வாகம் நினைக்கிறது. OFC அதை BBNL என்ற தனி நிறுவனம் உருவாக்கி நமது கேபிள்கள் தனியார் வசம் ஒப்படைக்க நிர்வாகம் நினைக்கிறது. அடுத்து நமது Assets நமக்கு சொந்தமான கட்டிடங்களை தனியாருக்கு விற்றுவிடுவது போன்ற ஆபத்தான சில நெருக்கடிகளை நமக்கு நிர்வாகம் அளிக்கிறது. அடுத்து ஊதிய மாற்றம் இரண்டு கண்டிஷன் நிர்வாகம் கூறுகிறது. ஒன்று லாபம் இல்லாவிட்டால் சம்பள உயர்வு இல்லை. இரண்டு நலிவடைந்த நிறுவனமான MTNL,ITI போன்ற நிறுவனங்களை BSNL டன் இணைப்பது. இதனால் நமக்கு சம்பள உயர்வு கிடைக்க வாய்ப்பே கிடையாது. பென்ஷனை ஒழுங்குபடுத்துவது, ஊழியர்களுக்கான கேடர் பெயர் மாற்றம் கண்டுள்ளோம். PLI உடன்பாடு களையப்பட வேண்டும். ஆகவே நாம் இந்தமுறை முதல் சங்கமாக வர அனைவரும் பாடுபட்டு வரும் தேர்தலில் பலத்த வெற்றியை பெறவேண்டும்” என்றார். கூட்டத்தில் 70 க்கும் மேற்பட்ட தோழர்களும், தோழியர்களும் கலந்துகொண்டனர்.

மயிலாடுதுறை பணிநிறைவு பாராட்டு விழா

1-2-2016 அன்று மயிலாடுதுறையில் தோழர்கள் R.சண்முகவேல் TTA, S.விஸ்வநாதன் TTA ஆகியோரின் பணிநிறைவு பாராட்டு விழா நடைபெற்றது. மாநில செயலர் தோழர் பட்டாபி, மாநில சங்க சிறப்பு அழைப்பாளர் தோழர் K.சேது, மத்திய சங்க சிறப்பு அழைப்பாளர் தோழர் P.காமராஜ், மாநில உதவிசெயலர் தோழர் K.நடராஜன், முன்னாள் சம்மேளன செயலர் தோழர். ஆர்.கே, மூத்தத் தோழர் ஜெயபால் மற்றும் கடலூர் மாவட்ட செயலர் தோழர் இரா.ஸ்ரீதர் ஆகியோர் கலந்து கொண்டு வாழ்த்தினர்.

ஏழாவது அங்கீகாரத் தேர்தல் தேதி அறிவிப்பு

தேர்தல் நடைபெறும் நாள் 10-05-2016

வாக்கு எண்ணிக்கை நடைபெறும் நாள் 12-05-2016

முடிவுகள் அறிவிக்கப்படும் நாள்  12-05-2016

தோழர்களே...

களம் காண்போம்...

ஊழியர் நலம் காப்போம்....
இணைந்த கரங்களே... எழுக...