வாழ்வாதாரம் காத்திட நிதியளிப்போம்!

வாழ்வாதாரம் காத்திட நிதியளிப்போம்!

    அன்புள்ள தோழர்களே!

ஒப்பந்த ஊழியர்களாகிய நாம் பத்து மாதமாகச் சம்பளம் வழங்கப்படாமல் பணியாற்றி கொண்டிருக்கின்றோம். சம்பளம் வழங்குவதில் அக்கறையற்று இருக்கும்  மாநில நிர்வாகத்தின் இந்தப் போக்கை மாற்றிட TMTCLU  மாநிலச் சங்கத்தின் சார்பில்  சென்னை உயர்நீதி மன்றத்தில் வழக்கு தொடரப்பட்டது.

     வழக்கின் சென்ற விசாரணை13.08.2020ல் நடந்தபோது, சென்னை உயர்நீதி மன்றம்  மாநில நிர்வாகத்திற்குச் சில அறிவுறுத்தல்கள் வழங்கியது. (அந்த உத்தரவுகளின் தமிழாக்கம் நமது தொழிற்சங்கக் குழுக்களில் வெளியானது). அந்த உத்தரவில், 30% சம்பளம் வழங்கிவிட்டதாகக் கூறும் நிர்வாகம் அதற்கு ஆதாரமான ஆவணங்களைத் தாக்கல் செய்யவும், மீதியுள்ள 70% சம்பள பாக்கினை முழுமையாக ஒப்பந்த ஊழியர்களுக்குத் தாமதமின்றி வழங்கச் செப்டம்பர்  22ந் தேதி தயாராக  இருக்க வேண்டும் எனவும் வலியுறுத்தியுள்ளது. ஒப்பந்தத் தொழிலாளர்களுக்கு முழுமையாக சம்பளம் கிடைப்பதற்கான நல்ல சுழல் உருவாகி உள்ளது.

           இந்த வழக்கு சம்மந்தமாகத் தொடர்ந்து தொழிலாளர் நலனில் அக்கறையுடன் செயல்படும் நமது மாநில பொதுச் செயலர் தோழர் R.செல்வம் அவர்களுக்கும், வழக்கிற்கான செலவுத் தொகையை நாம் இன்னும் கொடுக்கவில்லை எனினும், தொடர்ந்து அக்கறையுடனும் உத்வேகத்துடனும் செயல்படும் நமது சட்ட ஆலோசகர் N.K.சீனிவாசன் அவர்களுக்கும் நமது சங்கத்தின் சார்பில் நன்றியைத் தெரிவித்துக் கொள்கின்றோம்.

     சென்னை உயர்நீதி மன்றத்தில் நமது வழக்குகள் செப்டம்பர் -22 ந் தேதி வரவுள்ளதால் வழக்கு செலவிற்கான தொகையை  நாம் கொடுக்க வேண்டும். அதன் முதற்கட்டமாக நமது கடலூர் TMTCLU  மாவட்டச் சங்கத்தின் சார்பில் ரூ3000/- பொதுச் செயலர் தோழர் R.செல்வம் அவர்களிடம் வழங்கப்பட்டுள்ளது.

               உயர்நீதி மன்றத்தில் தொடர்ந்து வழக்கினை நடத்துவதற்கு (ஆவண நகல்கள் ஜெராக்ஸ், முத்திரைக் கட்டணம் முதலிய வகையில்) பெரும் செலவு ஆகிறது. நமது நாட்டின் நீதிமன்ற நடைமுறை அவ்வாறு.  ஆகவே நமது ஒப்பந்த ஊழியர்களும் வழக்கு நடத்துவதற்கான தங்களின்  பங்களிப்பாகத் தங்களால் முடிந்த அளவில்  தலா ரூ 100/-ஐ வழங்கிடமாறு தோழமையுடன் கேட்டுக் கொள்கின்றோம்.  இது மிகவும் அவசியமும் மிக அவசரமும் கூட.

     ஓய்வு பெற்ற  நல்ல மனம் கொண்ட அதிகாரி பெருமக்கள், ஊழியர்கள் தங்களால் முடிந்த அளவில் நிதி தருமாறு கேட்டுக் கொள்கின்றோம். இதற்கு முன்பும் அவர்கள் நம்மீது அக்கறை கொண்டு பல தருணங்களில் நிதி அளித்திருக்கிறார்கள் என்பதை நாம் நன்றியோடு நினைவில் கொண்டுள்ளோம். தொழிலாளர் நலனில் அக்கறையோடு செயல்பட்டுக் கொண்டிருக்கும்  தொழிற்சங்கத் தலைவர்களையும், கிளைச் சங்க நிர்வாகிகளையும், மாநில, மாவட்டச் சங்க பொறுப்பாளர்களையும்  அன்புடன் கேட்டுக் கொள்கின்றோம்,, தங்களால் ஆன நிதி உதவினை வழங்கி, ஒப்பந்த ஊழியர்களின் வாழ்வாதாரத்தினைக்  காத்திட, தாமதமாகும் நீதியினைப் பெற, வழக்கில் வெல்ல  உதவுங்கள் தோழர்களே!

       தோழர்கள் தங்கள் நன்கொடையினை கடலூர் TMTCLU  மாவட்டச் சங்கத்திடம் விரைந்து வழங்கிட வேண்டுகிறோம். பிற மாவட்டத் தோழர்கள் தோழர் M.விஜய் ஆரோக்யராஜ், TMTCLU  மாநிலப் பொருளாளர் அவர்களுக்கு அனுப்பி வைக்குமாறு  கேட்டுக் கொள்கின்றோம் .

         சென்னை உயர்நீதி மன்றம் ஒப்பந்த ஊழியர்கள் விபரங்கள் அடங்கிய UAN பட்டியல் கோரியுள்ளது. ஆகவே ஒப்பந்த ஊழியர்கள் அனைவரும்  தங்களது  UAN சம்மந்தமாக  விபரங்களைப் பொதுச் செயலரிடம் விரைந்து கொடுக்குமாறு  கேட்டுக் கொள்கின்றோம்.

தோழமையுடன்

    M.S.குமார்              A.S.குருபிரசாத்                 J.கந்தன்

மாவட்ட தலைவர்         மாவட்ட செயலர்          மாவட்ட பொருளாளர்

 

தோழர்கள் அனைவருக்கும் வணக்கம்.

கிளைச் செயலர்களின் கவனத்திற்கு...

 நமது மாநில சங்க வழிகாட்டுதலின்படி ஆகஸ்ட் 15 (நாளை 15.8.2020) சுதந்திர தினத்தன்று நமது தேசியக் கொடியை நமது சங்கத்தின் சார்பில் நமது அலுவலக வாயிலில் ஏற்றி  தேசப்பற்றை போற்றுவோம். தேசிய கொடி ஏற்றி உறுதிமொழி ஏற்போம்....

உறுதிமொழி:

1. இந்திய விடுதலை நீடூழி வாழ்க.

2. மதச்சார்பற்ற சோசலிச ஜனநாயகக் குடியரசு வெல்க.

3. இந்திய அரசியலமைப்புச் சட்டத்தை பாதுகாப்போம்.

அனைவரும் அவசியம் கலந்து கொண்டு உறுதிமொழி ஏற்கும் நிகழ்ச்சியை சிறப்பு செய்வோம்... 

அனைவருக்கும் சுதந்திர தின வாழ்த்துக்கள்

தோழமையுடன்.. 

D. குழந்தை நாதன்

மாவட்ட செயலாளர்

கடலூர்

(குறிப்பு: கடலூர் பொதுமேலாளர் அலுவலக வாயிலில் நாளை காலை சரியாக 9.00 மணிக்கு தேசியக் கொடியேற்ற நிகழ்ச்சி நடைபெறும்)

*வருந்துகிறோம்!!*

செஞ்சி தோழர் A. சேகர் TT அவர்கள்* இன்று(10.8.2020) இரவு 11.00 மணியளவில் உடல்நலக் குறைவால் மரணமுற்றார் என்பதை ஆழ்ந்த வருத்தத்துடன் தெரிவித்துக்கொள்கிறோம். தோழர் பிரிவில் வருந்தும் மனைவி மற்றும் குழந்தைகள், உற்றார் உறவினர்கள் அனைவருக்கும் கடலூர் nfte-bsnl மாவட்ட சங்கத்தின் ஆழ்ந்த இரங்கலை தெரிவித்துக் கொள்கிறோம்.

நிர்வாகத்துடன் இன்று நடைபெற்ற பேச்சு வார்த்தையில் சுமூக உடன்பாடு ஏற்பட்டதின் விளைவாக நாளை 28.7.2020 நடைபெறவிருந்த ஒரு நாள் தர்ணா போராட்டம் விலக்கிக் கொள்ளப்படுகிறது.

தோழமையுடன்

BSNLEU NFTE-BSNL

TMTCLU NFTCL TNTCWU

மாவட்டச் சங்கங்கள்

ஒரு நாள் தர்ணா போராட்டம்

மாவட்டத்தின் வருவாயைப் பாதிக்கும் சுமையாக நாள் தோறும் அதிகரிக்கும் தொலைபேசி பழுதுகள், பிராட்பேண்ட் பழுதுகள், FTTH குளறுபடிகள், FTTH புது வேட்டைக் காடாகி, FTTH இணைப்பு கேட்பவர்களுக்கு முறையான சீனியாரிட்டி லிஸ்ட் கிடையாது, செல் டவர்கள் பழுது, டீசல் இல்லாது சேவை முடக்கம், சிக்னல் கிடைக்காதது என இப்படிக் கவனிக்க வேண்டியவை எவ்வளவோ இருக்கு…

      ஆனால், பொழுது விடிந்தால் எந்த ஒப்பந்த ஊழியர்களை வேலையை விட்டு விரட்டலாம் என்பதே நிர்வாகத்தின் ஓயாத வேலையா?

வாடிக்கையாளர் சேவை மையம் உட்பட BSNLலில் 8 ஒப்பந்தத் தொழிலாளர்கள் வேலை நீக்கத்தை உடனடியாக ரத்து செய்ய கோரி,

கோவிட் ஊரடங்கு பாதிப்பு காலத்தில் பணிநீக்கம் கூடாது, சம்பள வெட்டு கூடாது என்ற மாண்புமிகு பாரதப் பிரதமர் ஸ்ரீ நரேந்திர மோடி அரசின் வழிகாட்டலை மீறிய சட்ட விரோத வேலை நீக்கத்தை ரத்து செய்ய வற்புறுத்தி

BSNL கடலூர் மாவட்டப் பொதுமேலாளர் அலுவலகம் முன்பு

ஜூலை 28 செவ்வாய் அன்று

ஒரு நாள் தர்ணா போராட்டம்

அநீதி களைய, நியாயம் நிலைநாட்டப்பட அணி திரள்வீர்!

தோழமையுடன்

             BSNLEU            NFTE-BSNL    

          TMTCLU        NFTCL         TNTCWU    

மாவட்டச் சங்கங்கள் 

கண்டன ஆர்ப்பாட்டம்
   

       நமது கடலூர் பொது மேலாளர் அலுவலகம்,  TRA அலுவலகத்தில்  பணிபுரியும்  8 ஒப்பந்த தொழிலாளர்களை இன்று 22-07-2020 முதல் வேலைக்கு வரக் கூடாது என்று மாவட்ட நிர்வாகம் தன்னிச்சையாக  முடிவெடுத்து அறிவித்துள்ளது.

     இந்த எதேச்சதிகார முடிவினை எதிர்த்து நமது கடலூர் மாவட்டத்தில் உள்ள அனைத்து சங்கங்களின் சார்பில் கண்டன ஆர்ப்பாட்டம் நடைபெற்றது. கூட்டத்தில் அதிகாரிகள் மற்றும் ஊழியர்கள் மற்றும் ஒப்பந்த தொழிலாளர்களின் சார்பில் பலர் கலந்து கொண்டு தங்களது எதிர்ப்பினை தெரிவித்தனர். 

ஆர்ப்பாட்டத்தில் கலந்து கொண்டவர்கள்

மரியாதைக்குரிய அதிகாரிகளுக்கு ஒரு வேண்டுகோள்

பெறுநர்: உயர்திரு

மரியாதைக்குரிய ஐயா / அம்மையீர்!

வணக்கம். ஒரு முக்கியமான பிரச்சனை குறித்துத் தங்களின் மேலான கவனத்திற்கும், தங்களின் மதிப்புமிக்கக் கருத்தைத் தெரிந்து கொள்வதற்காகவும் இந்தக் கடிதத்தை எழுதுகிறோம்.

நமது நிறுவனம் கடும் நெருக்கடியில் இருக்கிறது என்பதை அனைவரும் அறிவோம். நிறுவனம் லாபகரமாக இயங்க இரண்டு பிரிக்க முடியாத அம்சங்கள் உள்ளன. ஒன்று வருவாயைப் பெருக்குவது. மற்றொன்று செலவுகளைக் குறைப்பது. இவ்விரண்டும் ஒன்றையொன்று சார்ந்த விளைவுகளை ஏற்படுத்தும் என்றே கருதுகிறோம். அதாவது செலவுகளை ஒரேயடியாகக் குறைத்துவிடுவதால் மட்டும் லாபம் கூடிவிடாது; ஏனெனில், உதாரணமாக மனித உழைப்புச் செலவை அளவுக்கு அதிகமாகக் குறைத்தால், அது காகிதக் கணக்கில் லாபமாகத் தோன்றுமே தவிர, அதன் விளைவு பாதகமாக வருவாய் திரட்டும் சேவை செயல்பாடுகளைப் பாதித்துவிடக் கூடும். எனவே அது வருவாயை மீண்டும் குறைத்து லாபத்தைப் பாதித்துவிடும். எனவே குறைந்தபட்ச பணியாளர்களைக் கொண்டு அதிகபட்ச பணிகளை முடிப்பது என்பதில் ஒரு சமன்பாடு, நிதானம் தேவை என்று கருதுகிறோம். இதனை நீங்களும் ஒப்புக் கொள்வீர்கள் என நம்புகிறோம்.

ஆனால் நமது மேல்மட்ட நிர்வாகம் செலவுகளைக் குறைப்பது என்பதன் பெயரால், பணி பாதிப்பைப் பற்றி கவலைப்படாமல், ஒப்பந்த ஊழியர்களை நாளும் நீக்கும் போக்கை கடைபிடிபை, அவர்களின் வாழ்வாதாரத்தைப் பாதுகாப்பது என்பதையும் தாண்டி, ஒரு பொறுப்புள்ள தொழிற்சங்கம், முதற்கண் நிறுவனத்தின் ஊழியர் என்ற வகையில் நிறுவனத்க்கிறது. ஒரு தொழிற்சங்கம் என்ற வகையில் ஒப்பந்த ஊழியர்களின் பணி பாதுகாப்தின் நலனை முன்னிறுத்தி இதனை எழுதுகிறோம். சில அடிப்படை தகவல்கள் வருமாறு:

நமது மாவட்டத்தில் 350 அலகுகள் அடிப்படையில் சுமார் 400 ஒப்பந்தப் பணியாளர்கள் கடந்த 15 ஆண்டுகளாகப் பணிபுரிந்து வந்தார்கள். தொடர்ந்து பல நிலைகளில் ஆட்குறைப்பு செய்யப்பட்டது. இவ்வாறு 2020மே மாதமே 50 சதவீதமான ஒப்பந்தப்பணியாளர்கள் வேலையை விட்டு நிறுத்தப்பட்டு விட்டார்கள். அவர்களுக்கும் பல மாதங்களாக ஊதியம் வழங்கப்படவில்லை என்பதை நினைவுபடுத்த விரும்புகிறோம்.

இந்த நிலையில் கார்ப்பரேட் அலுவலக வழிகாட்டுதல் காரணமாக  ஜூன் மாதம் முதல் வாரத்திலேயே மறுபடியும் 25% ஒப்பந்த ஊழியர்களை நீக்க வேண்டும் என்பதற்காக மாவட்ட நிர்வாகம் தற்போது, மேலும் ஆட்குறைப்புக்கான முன்மொழிவை தந்துள்ளது. அதன்படி, எந்தெந்த அதிகாரிகளின் கீழ் எவ்வளவு ஆட்குறைப்பு என்பதற்கான பட்டியல் வருமாறு:

TRA AO (CMTS) CSC  AGM (CM) AGM   ( Trans & NWP) AGM (BSS)

1                2            3                   4                      4                                2

Legal AO (D) GM (o) FTTH EOI                           HK

    1                1      1              4          24                  Totally abolished

இது குறித்து எங்களது மாவட்டச் சங்கம் கடலூர் பொது மேலாளருக்குச் சமர்ப்பித்த கடிதத்தின் நகலை இணைத்துள்ளோம். அதன்படி, எங்களது சங்கம் வலியுறுத்துவது கார்ப்பரேட் அலுவலகம் நிர்ணயித்த அளவீட்டின்படி முழுமையாக 100 சதவீதம் ஏற்கனவே ஒப்பந்தப் பணியாளர்கள் நமது மாவட்டத்தில் குறைக்கப்பட்டு விட்டார்கள். எனவே மேலும் குறைக்கத் தேவை இல்லை என்பதாகும். மேலும் அதனால் ஏற்படும் விளைவுகளையும் சுட்டிக் காட்டியுள்ளோம். EOI கீழே தற்போது செக்குரிட்டி பணிபுரியும் ஒப்பந்த ஊழியரை நீக்கிவிட்டு அந்த இடங்களில் TMபோன்ற நிரந்தர ஊழியர்களை நியமிப்பதால், தொழில்நுட்ப பணி பாதிக்கும் என்பதையும், அது அவர்களது தொழில்நுட்பத் திறனையும் வீணடிக்கப்படுவதாகும் என்பதையும் சுட்டிக் காட்டியுள்ளோம்.

அந்த கடிதத்தில் கூறப்பட்டதற்கும் மேல் தற்போது ஏசி பிளான்டில் பணியாற்றும் 18 ஊழியர்களை நிர்வாகம் நீக்கி உள்ளது. அவர்களது பணியைப் பிற ஊழியர்களே கவனிக்க நேரும். இரவு 11 மணிக்குத் தொலைபேசியில் அழைத்து நாளை முதல் பணிக்கு வரவேண்டாம் என்று உத்தரவிடுகின்ற மனப்பான்மை நமது மாவட்டத்தில் இருப்பது வேதனை தருவதாகும்.

இந்நிலையில் தலமட்ட நிர்வாக அதிகாரி என்ற வகையில் தங்களுக்குத்தான் தங்கள் பகுதி குறித்தும், அதன் பணியாளரின் அத்தியாவசிய தேவை குறித்தும் தெளிவாக மதிப்பிட முடியும் என்பதால் உங்களிடம் வெளிப்படையாக ஒரு வேண்டுகோளை முன் வைக்கிறோம். உங்கள் பகுதியில் முன்மொழியப்பட்ட இந்த ஆட்குறைப்பு நியாயம், அவர்கள் இல்லாமலேயே சேவையை, வருவாய் பெருக்க நடவடிக்கைகளைச் சமாளிக்க முடியும் என்று நீங்கள் கருதினால் அதையும் வெளிப்படையாக தெரிவிக்க வேண்டுகிறோம். அவ்வாறு அல்லாமல் இந்த ஆட்குறைப்பு சேவையில் பாதிப்பை ஏற்படுத்தும் என்று நீங்கள் கருதினாலோ, அல்லது இத்தகைய பணிகளைச் செய்ய இன்னும் கூடுதல் ஆட்கள் இருந்தால் வளர்ச்சிக்கு அது உதவும் என்று கருதினாலோ அதையும் வலியுறுத்தி உங்கள் கருத்தைத் தெரிவிக்க வேண்டுகிறோம். 

தங்களுடைய கருத்து எதுவாயினும் அதனை விமர்சனமின்றி ஏற்றுக் கொள்ளத் தயாராக உள்ளோம். இனியும் பழைய பல்லவியாக, ‘தொழிற்சங்கம் கண்மூடித்தனமாக ஊழியர் குறைப்பை எதிர்க்கிறார்கள்’ என்று சொல்லி நிர்வாகம் எங்கள் நியாயமான விளக்கங்களை ஏற்க மறுப்பதை நாங்கள் தயாராக இல்லை. ஆட்குறைப்பு தவறு என்பது ஒற்றை நிலைபாடாக இருந்தால் நமது நிறுவனத்தில் சங்கங்கள் விருப்ப ஓய்வு திட்டத்தையே ஏற்றிருக்க மாட்டார்கள். நிர்வாகம் BSNL நிறுவனத்தின் நலனையே புறக்கணித்து, விஞ்ஞானபூர்வமான ஆய்வுப் பார்வை எதுவுமின்றி காகிதக் கணக்கில் செலவுகளைக் குறைத்துக் காட்டுவதையே எங்கள் சங்கம் ஏற்க மறுக்கிறது. இது அனைவரையுமே எதிர்காலத்தில் பாதிக்கும் என அஞ்சுகிறோம். 

தங்களின் மேலான மதிப்புறு கருத்துகளை வரவேற்கிறோம்.

இறுதியாக நாங்கள் ஒன்றை உறுதியாக நம்புகிறோம். “#கறுப்பர் உயிர்களும் முக்கியம்” என்பது போல  “#ஒப்பந்தத் தொழிலாளர்கள் வாழ்வாதாரமும் முக்கியம்”
வாழ்த்துகளுடன், 
                 தங்கள் உண்மையுள்ள, 
                  (D. குழந்தைநாதன்)
இணைப்பு மாவட்டச் செயலாளர் NFTE
மாவட்டப் பொதுமேலாளருக்குச் சமர்ப்பித்த கடித நகல்.

நகல்:- மாவட்டத்தின் பிற அதிகாரிகள்.

தோழர்களே!.

       வணக்கம், நமது நிறுவனத்தில் தொடரச்சியாக பாடுப்ட்டு வரும் நமது ஒப்பந்த தொழிலாளர்களை இந்த கொரானா நோய் தொற்று  காலத்திலும்  மனிதாபிமானம் பாராமல்  மாதம் இரு முறை ஆட்குறைப்பு செய்து வருகிறது நமது மாவட்ட நிர்வாகம் .. நாமும் இதன் மீது கடிதம் கொடுத்தும் எதிர்ப்பினை பதிவு செய்தோம்...

     

 அதனையும் மீறி நிர்வாகம் கார்ப்பரேட் அலுவலக வழிகாட்டலின் படி தான் தாங்கள் நடந்து கொள்வதாக நம்மிடம் சொல்லி வருகிறது.  சுமார் 50% ஆட்குறைப்பு செய்தாக வேண்டும் என்று கங்கனம் கட்டிக் கொண்டு வருகிறது மாவட்ட நிர்வாகம்.  இரு தினங்களுக்கு முன்பாக நமது மாவட்ட சங்கத்தின் சார்பில் கடிதமும் கொடுத்துள்ளோம்.. அதில் சுமார் 50% சதவிதம் ஆட்குறைப்பு செய்து விட்டீர்கள் . இனி யாரையும் வேலையினை விட்டு நீக்க கூடாது என மாவட்ட நிர்வாகத்திற்கு நமது கடலூர் மாவட்ட சங்கத்தின் சார்பில் கடிதம்  கொடுத்துள்ளோம்.... அதன் நகல் கீழே பதிவிடப்பட்டுள்ளது...

Print Page

அன்பார்ந்த தோழர்களே!

03.07.2020 வெள்ளிக்கிழமை அன்று நாடுதழுவிய ஆர்ப்பாட்டம் நடத்திட அனைத்து மத்திய தொழிற்சங்கங்கள் அறைகூவல் விடுத்துள்ளன மத்திய அரசாங்கத்தின் மக்கள் விரோத,தொழிலாளர்விரோத குறிப்பாக BSNL விரோத நடவடிக்கைகளை கண்டித்து நாமும் அதில்பங்கேற்க முடிவு செய்துள்ளோம்.எனவே கடலூர் மாவட்டத்தில் அனைத்து கிளைகளிலும் 03.07.2020 அன்று  BSNLEU--NFTE சங்கங்கள் இணைந்து ஆர்ப்பாட்டம் நடத்திடுமாறு தோழமையுடன் கேட்டுக்கொள்கிறோம்.

தோழமையுள்ள

K.T.சம்பந்தம்

D.குழந்தைநாதன்

மாவட்ட செயலர்கள்

தோழர்களே வணக்கம்.

         13.6.2020 zoom app ன் வழியாக  மாநில அளவிலான கலந்தாய்வு கூட்டம் 3.15 க்கு ஆரம்பித்து 8.15 மணி வரை நடைபெற்றது. மாநிலத் தலைவர் தோழர் காமராஜ் அவர்கள் தலைமையில் நடைபெற்ற கூட்டத்தில்  தோழர்கள் மாவட்டச் செயலர்கள், மாநிலச் சங்க நிர்வாகிகள்  என 20 க்கும் மேற்பட்டோர் கலந்து கொண்டனர். மாநில பொருளாளர் தோழர் சுப்பராயன் அவர்களும், மூத்த தோழர் சென்னகேசவன் அவர்களும், அகில இந்திய துணைத் தலைவர் தோழர் பழனியப்பன் அவர்களும், அகில இந்திய சிறப்பு அழைப்பாளர் தோழர் செம்மல் அமுதம் அவர்களும் கலந்து கொண்டனர். கூட்டத்தில் பல்வேறு விஷயங்கள்  மிக ஆழமாக விவாதிக்கப்பட்டது.

மாநிலச் செயற்குழு தீர்மானங்கள்:

 குறிப்பாக இன்றைக்கு    outsourcing முறையால் வந்திருக்கக்கூடிய பிரச்சினைகள்,  BB,தொலைபேசி பழுது நீக்கத்தில் நிலவுகிற சுணக்கம், கவனிப்பாரற்றுக் கிடக்கும் நிலைமையில் லேண்ட்லைன் மற்றும் பிராட்பேண்ட் சரண்டர் அதிகமாக நடைபெறுவதை தடுப்பதற்கு மாவட்ட தலைநகரங்களில் கிளஸ்டர் இன்சார்ஜ் நியமிக்கப்பட்டுள்ளது. அவர்கள் இதன்மீது உரிய கவனம் செலுத்த வேண்டும்.  FTTH இன்சார்ஜ் நிர்வாகத் தரப்பில் நியமிக்க வேண்டும். அசீம் மற்றும் அலுவலக எண்கள் கிளஸ்டர் எண்ணிக்கையில் சேர்க்கப்பட்டு டெண்டர் விடப்பட்டது தவறு என சுட்டிக்காட்டி அதற்காகும் செலவை குறைத்திட நடவடிக்கை எடுத்திட வேண்டும் என முடிவு செய்யப்பட்டது.

 கஸ்டமர் சர்வீஸ் சென்டர் டெண்டர் விடப்பட்ட நிலையில் 179 ல் எத்தனை CSC டெண்டர் இறுதி செய்யப்படுகிறதோ அதுபோக மீதம் இருக்கிற  கஸ்டமர் சர்வீஸ் சென்டர் பற்றி நாம் மாநில நிர்வாகத்திடம் பேசி அதற்கான முடிவை எட்ட வேண்டும். 

 3.ATT, TT redeployment செய்யும் போது மாவட்ட சங்கத்தோடு கலந்தாலோசித்து முடிவு எட்டப்பட வேண்டும் என நாம் உறுதி செய்து இருக்கிறோம். மாவட்ட செயலர்கள் கவனத்தில் கொண்டு அதில் நமது தோழர்களுக்கு தேவையான விஷயங்களை மாவட்ட நிர்வாகத்தோடு பேசி  இறுதி செய்யவும். 

 FTTH இணைப்புகள் கொடுப்பதில் நிலவுகிற ஊழல் மற்றும் குளறுபடிகள் பற்றி கவலையோடு விவாதிக்கப்பட்டது.  குறிப்பாக கும்பகோணம் மற்றும் தஞ்சாவூர் பகுதிகளில் இது குறித்து விஜிலன்ஸ் புகார் கொடுக்க வேண்டும் என கடந்த கூட்டத்தில் 13.05.2020 ல் முடிவு செய்தோம். இதன் மீது தற்போது அறிவிக்கப்பட்டு இருக்கிற போராட்டம் குறித்து மாநில நிர்வாகத்தின் கவனத்திற்கு எடுத்துச் செல்லப்பட்டுள்ளது.மாநில நிர்வாகம் இதில் முறையாக தலையிட்டு பிரச்சனையை தீர்க்க வலியுறுத்துவோம்.இதில் நிலவுகிற விதிமீறல்கள் மற்றும் ஊழல்கள் குறித்து நடவடிக்கை எடுக்க வலியுறுத்தப்படும்.

 திருநெல்வேலி பொதுமேலாளர் அலுவலகம் முற்றிலுமாக வாடகைக்கு விடப்படும் என்கிற முடிவை நாம் ஏற்பதற்கில்லை. மாவட்டச்சங்கங்களோடு கலந்து ஆலோசித்து முடிவை எட்ட வேண்டும் என்ற முடிவு செய்யப்பட்டது. திருநெல்வேலி AUAB சார்பில் மாவட்ட நிர்வாகத்திற்கு கடிதம் கொடுத்து பேச முடிவெடுக்கப்பட்டது. மாநில நிர்வாகத்திடம் இங்கு அலுவலகம் இயங்க வேண்டியதன் அவசியத்தை வலியுறுத்துவோம்.

 மதுரை அவுட்சோர்சிங் ஏஜென்சி ஒன்று நமது அலுவலக முகவரியை கொடுத்து இருப்பது மிகவும் அதிர்ச்சி அளிக்கக்கூடிய விஷயம். அதன் மீது உடனடியாக மாவட்ட சங்கம் மாவட்ட நிர்வாகத்திற்கு கடிதம் கொடுத்து அதனுடைய நகலை மாநில சங்கத்திற்கு அனுப்ப வேண்டும் என முடிவெடுக்கப்பட்டது.     

 தற்போது விருப்ப ஓய்வில் சென்றவர்களின் PPO வில் அவர்களின் TSM period க்கான entry ல் குளறுபடிகள் இருப்பதாக அறிகிறோம். அது CCA மட்டத்தில் பேசி சரி செய்யப்படும்.

 சொசைட்டி பிரச்சினைக்கு இப்பொழுது NFTE, BSNLEU, AIBSNLEA, SNEA இணைந்து நடவடிக்கை எடுத்து வருகிறோம். மாவட்டங்களில் கையெழுத்து இயக்கத்தை விரைவுபடுத்தி அதன் மீதான நடவடிக்கையை துரிதப்படுத்துவோம்.

 Provisional pension பெறுகிறவர்களின் leave encashment payment பற்றி மாநில நிர்வாகத்திடம் பேசி இருக்கிறோம். 20.06.2020 க்குப் பிறகு அதன் மீதான தீர்வை எட்ட முடியும் என நம்புகிறோம். 

 தஞ்சை சுந்தர்ராஜன் விருப்ப ஓய்வில் சென்ற அவரின் leave encashment மாநில மட்டத்தில் பேசியுள்ளோம். மாநில நிர்வாகம் மாவட்ட நிர்வாகத்தோடு பேசி அதை விரைவுபடுத்த கோரியுள்ளோம்.

 மாவட்டத்தில் உடனடியாக works committee members பட்டியலை மாவட்ட நிர்வாகத்திடம் கொடுத்திட வேண்டுகிறோம்.

 சங்க உறுப்பினர் சேர்க்கையை துரிதப்படுத்துமாறு வேண்டுகிறோம்.

ஒலிக்கதிர் நன்கொடை மற்றும் மாநில மாநாட்டிற்கான நன்கொடையை விருப்ப ஓய்வில் சென்றவர்களிடம் பெறுமாறு அன்புடன் கேட்டுக் கொள்கிறோம்.      

தோழமையுடன்

D.குழந்தைநாதன்

மாவட்டச் செயலர், கடலூர்.