Monday, September 18, 2017

தோழர் பிச்சுமணி மறைவுக்கு வருந்துகிறோம்.

புதுவை NFTE தொழிற்சங்கத்தின் மூத்த தோழர் எஸ்.பிச்சுமணி நேற்று இரவு நம்மை விட்டுப் பிரிந்து விட்டார் என்பதை ஆழ்ந்த வருத்தத்துடன் தெரிவித்துக் கொள்கிறோம். சேலம் கோட்ட மகளிர் மயப் போராட்டத்தில் முன் நின்றவர். 1968 செப்.19 வேலை நிறுத்தத்தில் பங்கேற்று பழிவாங்கப்பட்டவர். வேலை நீக்கம் செய்யப்பட்டவர். புதுவை கோட்டத்தின் முதல் கோட்டத்தலைவர். புதுவை இயக்கங்களில் அவரில்லாமல் எதுவும் இல்லை என்கிற அளவில் தன்னை இணைத்துக் கொண்டவர் தோழர் பிச்சுமணியின் மறைவிற்கு கடலூர் மாவட்ட சங்கம் தனது அஞ்சலியை உரித்தாக்குகிறது. 
கடலூர் TMTCLU மாவட்ட சங்கம் சார்பில் ஒப்பந்த ஊழியர்களின் பல்வேறு கோரிக்கைகளை வலியுறுத்தி 16-9-2017 கடலூர் பொதுமேலாளர் அலுவலக வாயிலில் மாபெரும் தர்ணா நடைபெற்றது. சேலம் மாவட்ட செயலர் தோழர் பாலகுமார் கலந்துகொண்டு சிறப்புரையாற்றினார். மாவட்டம் முழுவதுமிருந்து ஒப்பந்த ஊழியர்கள் திரளாக கலந்து கொண்டனர்.



Friday, September 15, 2017



டவர் கார்ப்பரேசன் எதிர்த்து
கண்டன ஆர்ப்பாட்டம் -15.9.2017

நாடு முழுவதுமுள்ள 65,000 க்கும் மேற்பட்ட BSNLக்கு உரிமையான  செல் கோபுரங்களை அதை தனியாருக்கு தாரை வார்க்கும் வகையில்  மத்தியில் ஆளும் மோடி அரசு BSNL டவர்களை இணைத்து தனி நிறுவனம் அமைக்க ஒப்புதல் அளித்துள்ளது. இதனை கண்டிக்கும் வகையில் பொதுத்துறை சொத்துக்களை அழிக்கவும், தனியார் நிறுவனத்தை ஆதரிக்கும் மோடி தலைமையிலான மத்திய அரசைக்  கண்டித்து 15.09.2017 கடலூர் தொலைத்தொடர்பு மாவட்டம் முழுவதும் உள்ள கிளைகளில் அனைத்து அதிகாரிகள், ஊழியர்கள் சங்கங்கள் இணைந்து கண்டன ஆர்ப்பாட்டம் நடத்தியது. கடலூரில் நடைபெற்ற ஆர்ப்பாட்டத்தில் நமது சங்கத்தின் சார்பில் மாநிலத் துணைத்தலைவர் தோழர் V.லோகநாதன் கண்டன உரையாற்றினார். கண்டன ஆர்ப்பாட்டத்தில் அதிகாரிகள், தோழர்கள், ஒப்பந்த ஊழியர்கள் மற்றும் ஓய்வூதியர்கள் கலந்துகொண்டனர்.







Thursday, September 14, 2017


கண்டன ஆர்ப்பாட்டம்
நமது BSNL நிறுவனத்தின் செல் கோபுரங்களை தனி நிறுவனமாக நிறுவ மோடி தலைமையிலான மத்திய அமைச்சரவை ஒப்புதல் அளித்துள்ளது.
இம்முடிவைக் கண்டித்து BSNL அதிகாரிகள், ஊழியர்கள் சங்கங்களின் கூட்டமைப்பு சார்பில் அனைத்து சங்கங்கள் இணைந்து கண்டன ஆர்ப்பாட்டம் நடத்திட முடிவு செய்யப்பட்டுள்ளது. அனைத்துக் கிளைகளிலும் இணைந்த ஆர்ப்பாட்டம் நடத்திட வேண்டுமாய் கேட்டுக்கொள்கிறோம்.
நாளை 15.9.2017 மதிய உணவு இடைவேளையில் கடலூர் பொதுமேலாளர் அலுவலக வாயிலில் ஆர்ப்பாட்டம் நடைபெறும். அனைத்துத் தோழர்களும், தோழியர்களும் தவறாது கலந்து கொள்வோம்.

ஆர்ப்பரிப்போம்!!                                      வெற்றிபெறுவோம்!!!

Wednesday, September 13, 2017

போராட்ட விளக்கக் கூட்டம்-13.9.2017
தோழர்களே!
இன்று மாவட்ட முழுவதுமுள்ள கிளைகளில் போராட்ட விளக்கக் கூட்டம் நடைபெற்றது. நேற்று நிர்வாகத்துடன் நடைபெற்ற பேச்சுவார்த்தை விவரங்கள் தோழர்களுக்கு விளக்கப்பட்டது. தோழர்கள்,தோழியர்கள் கலந்துகொண்டனர்.
கடலூர் 

பண்ருட்டி

விழுப்புரம்


திண்டிவனம் 

சிதம்பரம்

வாழ்த்துகின்றோம்
கடலூர், புதுவை தொலைத்தொடர்பு மாவட்ட இணைந்த விளையாட்டுக் கவுன்சில் கூட்டம் இன்று கடலூரில் நடைபெற்றது. கூட்ட்த்தில் புதிய செயலராக தோழர் A.சகாயசெல்வன் MBA.. தேர்ந்தெடுக்கப்பட்டுள்ளார். தோழருக்கு கடலூர்  மாவட்ட சங்கத்தின் வாழ்த்துக்கள்.


வருந்துகிறோம்..

SEWA – BSNL தமிழ் மாநில செயலர் தோழர் T.முத்துக்கிருஷ்ணன் அவர்கள் உடல்நலக்குறைவினால் இன்று மரணமடைந்தார். தோழரது மறைவிற்கு  கடலூர் மாவட்ட சங்கம் தனது அஞ்சலியை தெரிவித்துக்கொள்கிறது.

Tuesday, September 12, 2017

போராட்ட விளக்கக் கூட்டம்
தோழர்களே!
நாளை (13.09.2017) பல்வேறு கோரிக்கைகளை வலியுறுத்தி கவன ஈர்ப்பு ஆர்ப்பாட்டத்திற்கு அறைகூவல் விடுத்திருந்தோம். அதனடிப்படையில் இன்று துணைப்பொதுமேலாளர் (நிர்வாகம்) அவர்கள் நம்மிடம் பேச்சுவார்த்தை நடத்த அழைப்பு விடுத்தார். பேச்சுவார்த்தையில் மாவட்ட செயலர் தோழர் இரா.ஸ்ரீதர், மாநிலச் சங்க சிறப்பு அழைப்பாளர் தோழர் V.இளங்கோவன், மாவட்ட உதவிச்செயலர் தோழர் D.குழந்தைநாதன் கலந்துகொண்டனர். நிர்வாகத்திடம்  சுமார் நான்கு மணி நேரம் நடைபெற்ற பேச்சு வார்த்தையில் சில முன்னேற்றம் காணப்பட்டது. அதனடிப்படையில் நாளை நாம் விடுத்த ஆர்ப்பாட்டத்தை போராட்ட விளக்கக்கூட்டமாக அனைத்துக் கிளைகளிலும்  நடத்திடுமாறு கேட்டுக்கொள்கிறோம்.
குறிப்பு:

பேச்சுவார்த்தை விவரங்களை மாவட்ட செயலர் தோழர் இரா.ஸ்ரீதர், தோழர் V.இளங்கோவன், தோழர் D.குழந்தைநாதன் ஆகியோரை தொடர்புகொண்டு தெரிந்துகொள்ளவும். 

Sunday, September 10, 2017


செயலகக் கூட்டம்-11.9.2017
வருகின்ற 11.9.2017 திங்கள் மாலை 4.00 மணியளவில் கடலூர் மாவட்ட சங்க அலுவலகத்தில் செயலகக் கூட்டம் மாவட்ட  தலைவர் R.செல்வம் அவர்களின் தலைமையில் நடைபெறும். மாவட்ட சங்க நிர்வாகிகள், கிளை சங்க நிர்வாகிகள், பொறுப்பாளர்கள் மற்றும் முன்னணி தோழர்கள் அனைவரும் தவறாது கலந்து கொள்ளவும்.

பொருள்:
  • செப்-13 கவன ஈர்ப்பு ஆர்ப்பாட்டம்
  • ஊழியர் மாற்றல்  பிரச்சனைகள்
  • இதர........


Saturday, September 9, 2017

குடந்தை, கடலூர், தஞ்சை மாவட்டங்கள் இணைந்த கருத்தரங்கம் குடந்தையில் 06/09/2017 அன்று நடைபெ‌ற்றது. மாவட்ட தலைவர்கள் தோழர்கள் கணேசன், கலைச்செல்வன், செல்வம் தலைமை  ஏற்க மாநிலத்தலைவர் காமராஜ் துவக்க உரை ஆற்றிட கிளை செயலர்கள், மாவட்ட செயலர்கள் ஊதியமாற்றம்  ,அமைப்பு, உறுப்பினர் சேர்க்கை, சேவை மையம் தனியாரிடம் விடும் முடிவு குறித்து விவாதிக்க பட்டு பாராட்ட முடிவு செய்யப்பட்டது.  மாநில செயலர் நடராஜன் தொகுப்புரை ஆற்றினார்.





Friday, September 8, 2017

                         TMTCLU ஆர்ப்பாட்டம்

இன்று 8.9.2017 கடலூர் TMTCLU மாவட்ட செயற்குழு தீர்மான முடிவின்படி, மாவட்டத்தில் பல்வேறு பகுதிகளில் பணிபுரியும் ஒப்பந்த ஊழியர்களின் பிரச்னைகளின்பால்  தீர்வினை வலியுறுத்தி முதல் கட்டமாக மாவட்டம் முழுவதும் உள்ள கிளைகளில் கண்டன ஆர்ப்பாட்டம் நடைபெற்றது. கிளைகள் தோறும் ஒப்பந்த ஊழியர்கள், நிரந்தர ஊழியர்கள் பலரும் கலந்துகொண்டனர்.

கடலூர்



சிதம்பரம் 



 திண்டிவனம் 


Monday, September 4, 2017

கண்ணீர் அஞ்சலி...!
தர்மபுரி தொலைத்தொடர்பு மாவட்டம், மகேந்திரமங்கலம் கிராமம் அருகே., 02.09.2017 அன்று மாலை நடைபெற்ற சாலை விபத்தில்., இளம் தோழர். ஜீவா, Junior Engineer., மற்றும் தோழர். கஜேந்திரன், ஒப்பந்த ஊழியர் ஆகிய இருவரும் சம்பவ இடத்திலேயே உயிர் இழந்தனர். மேலும்., அந்த வாகனத்தில் சென்ற நான்கு தோழர்கள் படுகாயங்களுடன் உயிர் தப்பினர்.நேரடி நியமனத்தில், சமீபத்தில் பணியமர்த்தப்பட்ட தோழர். ஜீவா மற்றும் 20 ஆண்டு காலமாக ஒப்பந்த ஊழியராக பணியாற்றி வரும் தோழர். கஜேந்திரன் ஆகியோரின் மறைவிற்கு கடலூர் NFTE-TMTCLU மாவட்ட சங்கங்களின் சார்பில் தனது அஞ்சலியை உரித்தாக்கிக் கொள்கிறது.
தோழர்களை பிரிந்து வாடும்., அவர்களின் குடும்பத்தாருக்கும்., நண்பர்களுக்கும் நமது ஆழ்ந்த இரங்கலை தெரிவித்துக் கொள்கிறோம்.
தோழமையுடன்
    NFTE-TMTCLU
மாவட்டச் சங்கங்கள்,
        கடலூர்.


தோழர்களின் கவனத்திற்கு

ஒப்பந்த ஊழியர்கள் பணிபுரியும் போது  இது போன்ற  எதிர்பாரத அசம்பாவிதங்களால் பல   ஒப்பந்த ஊழியர்கள் குடும்பங்கள் கடுமையான கஷ்டப்படுகின்றன.  மற்றும் பொருளாதார சிக்கலில் சிக்கி அல்லல்படுகின்றனர். இதனை  ஓரளவுக்கு சரி செய்ய  சம்மந்தப்பட்ட ஒப்பந்த ஊழியரின் பெயரில் ESI,EPF, கட்டப்பட்டிருந்தால் உடணடியாக  ESI,EPF மற்றும் ஒப்பந்தகாரரிடம் தகவல் கொடுக்கப்பட வேண்டும். அப்படி ESI அலுவலகத்தில் தகவல் கொடுத்து விட்டு பின்னர் தேவையான ஆதாரங்கள், ஆவணங்கள்(DOCUMENTS) சமர்பித்தால் இறந்த ஊழியரின் ஈமச் சடங்கிற்கு ஒரு குறிப்பிட்ட தொகையினை ESI அலுவலகத்திலிருந்து பெறலாம்.  வேலையில் இருக்கும்  போது ஒப்பந்த ஊழியர் இறந்துவிட்டால் தகுந்த ஆதாரங்களை ஒப்பந்தகாரரரிடம் மூலம் ESI  அலுவலகத்தில் கொடுக்க வேண்டும். அந்த நிகழ்வு உண்மை என்று நிரூபணமனால்  இறந்த ஊழியரின் குடும்பத்திற்ல் உள்ள தாய்/தந்தை, அல்லது மனைவி/மகன்கள்,மகள்கள் எத்தனை பேரோ அனைவருக்கும் இறந்த ஊழியர் கடைசியாக பெற்ற சம்பளம் எவ்வளவோ அதனை  அனைவருக்கும்  பென்ஷனாக பிரித்து கொடுப்பார்கள். அதே போல EPF அலுவலகத்திலும் இறந்தவரின் குடும்ப உறுப்பினர்களுக்கு பென்ஷன் கிடைக்கும். ஆகவே  நமது நிறுவனத்தில் பணிபுரியும் ஒப்பந்த ஊழியர்களுக்கு EPF,ESI முறையாக  கட்டப்பட்டு உள்ளதா என்பதனை உறுதி செய்து கொள்ள வேண்டும் என்று மாநிலச் சங்கத்தின் சார்பாக தோழமையுடன் கேட்டுக் கொள்கின்றோம். 
    


Thursday, August 31, 2017

தோழர் K.அசோகராஜனுக்கு வாழ்த்துக்கள்!!!


இன்று பணி ஓய்வு பெறும் நமது முன்னாள் மாநிலப்பொருளர்        
தோழர் K.அசோகராஜனுக்கு 
கடலூர் மாவட்ட சங்கத்தின் வாழ்த்துக்கள்.
தோழர் அசோகராஜன் கடலூரில் வசிக்கும்போது எழுத்தாளர் ஜெயகாந்தன் அவர்களின் மாமா தோழர் புருஷோத்தமன் அவர்களால் நிர்வகிக்கப்பட்டு வந்த நியூ செஞ்சுரி புத்தக நிலையத்தில் புதுவைத் தோழர் பிச்சுமணி அவர்களால் கண்டெடுக்கப்பட்ட தோழர்தான் அசோகராஜன்.

கடலூர் கோட்டப்பொறியாளர் அலுவலகத்தில் தனது முதல் இலாக்காப் பணியை துவங்கியவர்.  அது தொடங்கி இன்று வரை நமது சங்கத்தில் பல்வேறு பொறுப்புகளில் சிறப்பாக பணிபுரிந்த அத் தோழருக்கு கடலூர் மாவட்ட சங்கத்தின் வாழ்த்துக்கள்...




Wednesday, August 30, 2017

நமது இலாக்காவில் பணிபுரியும் குரூப் B அதிகாரிகள், மற்றும் ஊழியர்களின் இல்லத் தொலைபேசி இணைப்புகளுக்கு, வாடிக்கையாளர்களுக்கு வழங்கப்பட்டது போல் இரவு நேர அழைப்புகளுக்கும்  மற்றும் ஞாயிற்றுக்கிழமைகளில் முழு நேர அழைப்புகளுக்கும் இலவச அழைப்பு வழங்கிடக்கோரி நமது மத்திய சங்கம், கூட்டு ஆலோசனைக்குழுவில் (NJCM) கோரிக்கை வைத்திருந்தது. அதனடிப்படையில் மத்திய நிர்வாகம் இதற்கான உத்தரவிட்டுள்ளது. மத்திய சங்கத்திற்கு நன்றி..

Tuesday, August 29, 2017

SNEA அகில இந்திய செயலர் தோழர் செபாஸ்டின் மீது நிர்வாகம் எடுத்துள்ள நடவடிக்கையை கண்டித்து 29.8.2017 கடலூர் GM அலுவலக வாயிலில் snea சார்பில் நடைபெற்ற கண்டன ஆர்ப்பாட்டத்தில் மாவட்ட செயலர் தோழர் இரா.ஸ்ரீதர் தோழர்களுடன் கலந்துகொண்டு கண்டன உரையாற்றினார்.